北美首頁新聞滾動大陸台灣美國娛樂體育財經圖片移民雜誌書味博客微博美食論壇

梁思浩打港台散工17年

http://news.sina.com   2011年05月17日 14:31   明報

  【明報專訊】DJ梁思浩 香港電台開咪17年,上個禮拜五突然被炒魷魚,即時無得主持《瘋show快活人》。梁思浩噚日 對家商台節目《左右大局》,自爆17年港台都做散工、按日薪出糧,開咪 日有錢,唔開就冇,合約每年續一次,仲話自己同做清潔工一樣。

  每年續約 同清潔工一樣

  梁思浩上周被雜誌爆料,話會過檔大班鄭經翰年底開咪 香港數碼廣播。點知報道出街翌日,梁思浩話佢畀港台高層照肺,要佢將來辭職3個月前通知,佢答應之後第二日,又有高層同佢講「辭職要1年通知」,梁思浩覺得唔合理冇應承,結果當日即時冇得開咪,「我想同聽衆講聲Bye Bye都唔得,我雖然係散工,但都有要求,想洗埋兩隻碗先」。

  梁思浩覺得港台「單方面終止合約」,又話自己曾經要求做多一段時間。不過,今次佢被炒,都幫港台講番幾句好話,「港台係有權即時關我咪,我係散工。」又話好多謝港台過去17年畀個平台佢,令佢成為最受歡迎節目主持,同佢當年離開TVB時大數前老闆比較,今次好收斂。梁思浩話,到今日為止都無簽過其他電台合約,亦無口頭協議,不過話對方有提出條件。

  港台發言人話,同梁思浩簽 係「服務提供者合約」,嚴格 講梁思浩唔係員工,只係提供服務畀港台,好多DJ藝員都係簽呢種合約,合約有條款列明可隨時終止。至於梁思浩點解走,港台話大家協議唔講出來,同合約無關。

Bookmark and Share
|
關閉
列印
轉寄
去論壇發表評論

 發表評論
昵 稱:
國家地區: